Hartsgate en stopwerk…

posted in: Uncategorized | 9

Daar is ‘n bedeesde kloppie aan my rooi voordeur, eers dog ek dat ek my verbeel en ek ignoreer dit, toe is die kloppie weer daar!

Ek maak die deur oop en daar staan ‘n klein siel vol ellende voor my, sy snik sagweg sonder trane en vra of ek dalk ‘n koppietjie soet tee het om haar ellende te vertroos. Dit het ek ‘n oorvloed van en sit dadelik die ketel aan.

“Kom sit hier by my in die kombuis, dan vertel jy my hoekom jy so ellendig is?”

Sy sug en sak saggies af om te gaan sit terwyl sy treurig kreun, toe sê sy: “Ek is so moeg en vol flenter kolle, kyk hoe lyk my vingers, en albei knieë is nerfaf, sien jy?” vraag die ellendeSiel.

“Ai, ek is so jammer vir jou, het jy dan geval?”                   

Sy snik weer traanloos en sê: “Ek het ja, dis hoekom my knieë nerfaf is, maar my flenter vingers is so want ek stop heeltyd die gate in ander siele se harte. Die werk kom nooit klaar nie want baie van hulle torring weer my stopwerk los, dan moet ek dit oordoen.”

“Ai maar dis ‘n treurmare van ‘n storie! Maar wat van jou knieë, hoe het hulle dan so vreeslik stukkend gekom?” vraag ek die armsaligheid.

“Want ek bly in die gate val… oor en oor val ek in die gate van ander se harte, dan moet ek self uitkruip en dis hoekom ek so flenters is. Het jy asseblief vir my raad en daad?

“Ek is so hartseer van die gesukkel om harte heel te werk dat my trane opgeraak het, net die snikke het oorgebly.”

Ek luister en voel so jammer vir die ellendige klein siel wat so swaar het. Toe ek vir haar tee aangee, vat sy dit baie versigtig by my en van die vingertjies staan skiertsregop, seer en vol gaatjies van al die stopwerk.

Toe vra ek: “Hoekom val jy dan konstant in die gate in ander siele se harte? Vertel vir my mooi wat aangaan?”

Sy sluk met toe ogies aan die soet tee en sug meer tevrede voor sy vertel: “Die ding werk so, die flenter-hart-siele gooi hulle hake uit en dit haak aan my stukkende hart, dan ruk hulle my nader tot ek in die die gate in hulle harte val. Omdat ék weet hoe swaar dit is om ‘n flenter hart te hê, het ek belowe om almal wat ‘n haak uitgooi te help om hulle harte heel te werk. Daar is so baie siele met harte vol gate, te veel vir my alleen. Kan jy asseblief help om lappe op te werk, jy weet mos hoe om met garing en naald te toor?

“Ek kry nie ‘n kans om my eie hart te stop nie, ek is heeltyd met ander se flenters besig, my eie hart is al heel uitgerafel.

“Eintlik is dit veel erger nog, my vingers is vol gate en baie seer van al die stopwerk, my knieë rou van uitkruip uit die harts-gate. En die ergste is, ek moet heeltyd terugloop om die werk oor te doen want die siele torring my heelmaak weer los.”

In my eie kop dink ek hoe lank ek self met stukkende vingers geloop het want ek het dieselfde foute gemaak. Dit het my baie lank gevat om te verstaan dat ons nie ander se harte vir hulle kan heelstop nie, dis elke man se eie werk daai.

Ek skink vir die siel en myself nog ‘n koppietjie tee, gooi ekstra heuning in en sê: “Weet jy liewe ellendeSiel, die beste raad is dat jy eers jou eie hart se gate stop, werk dit toe en borduur mooi goed bo-oor. Dis waar mens begin.

“Die tweede raad is om nie naby ander siele se harts-gate te loop en draai nie, dis gevaarlik vir ‘n mens se eie hart. Siele met flenter harte is bietjie stamp en stoot, party dae is hulle selfs ruk en plukkerig en dan gebeur dit maklik dat jy in hulle flenter gate inval.

“Soos jy weet vang hulle jou selfs met ‘n visstok en pyn-haak as jy te naby gaan.”

Daar biggel waarlik ‘n piepklein traantjie uit die een ellendige ogie terwyl sy saggies snik, sy sug diep en sê: “Is jy seker dis nie my werk om hulle te help nie?”

“Jip!” seg ekke, “dis jóú werk om jou eie hart heel te borduur en dan kan jy ander siele leer hoe om hulle eie harte ook so mooi heel te maak. Maar net die wat wíl leer en wíl heel wees, kan gehelp en geleer word.”

Die siel sug diep en sê: “Ag dankie, dankie vir dit! Ek is nou so verlig om te hoor ek kan ophou om so ellendig te voel en te sukkel. Ek kan nie wag om my hart heel te borduur nie!”

“Ek is bly jy voel beter, kom ek sit pleisters oor die gaatjies in jou vingers voor jy loop. En dalk moet ons jou nie meer EllendeSiel noem nie, kom ons noem jou borduurSiel, wat dink jy daarvan?”

“Jaaa!” gil die klein lyfie,”ek hou báie van my nuwe naam!”

Sy hou die vingertjies in die lug dat ek hulle kan verbind met prentjie pleisters.

En so onthóú ék weer, dat die gate in ander siele se harte, nie ons verantwoordelikheid is nie. Dat ons nie om dit moet loop en later inval nie, saam seerkry en weer moet uitkruip nie.

Ons moet wye draai loop om gate van enige aard, maar veral die gate in harte wat nie heel wíl word nie. Daardie siele wat die borduur en stopwerk weer lostrek, moet veral uitgelos word tot hulle klaar gepyn het. Tot hulle eendag bereid is om die moeite te doen om hulle eie harte sélf heel te werk.

Astrology workshops online…

posted in: Uncategorized | 2

I am happy to announce that my Astrology coaching and teaching will expand to online events via Zoom. Kicking off, the last week of August.

I am going to keep the classes to maximum of 6 people to ensure enough time to attend to each person’s personal chart and questions.

There will be an informative chat on the 22nd of August via zoom, this is a free offering to explain details and content of what you will receive during the workshops. There will be time to ask questions. Please let me know by Friday lunch time, if you would like to attend so that I can send you meeting id.

Hopefully we will also be able to do the full weekend retreats when this non-diary year has settled down. That includes all the fun stuff of sitting around a table together, enjoying meals and other energetic offerings like yoga and colour therapy.

My mission is to support you in;

Accessing astrology as tool for progressing and thriving on this magical journey called LIFE.

Learn how to follow your highest purpose towards a truly meaningful LIFE!

  • Identifying and understanding the cycles of your life to get rid of negativity, moving towards balance
  • Breaking through patterns and moulds in order to identify and reach your true purpose
  • Moving towards living a positive life in joyful fulfilment

Together we will explore your natal chart, one planet per week, to access the promise, the challenges and the beauty of who you are. You will be empowered with the knowledge of your blueprint and the ‘how to’ of having the best life you can have.

Payment options:

  • First session R200 which will secure your seat for the next week. R100 per session, payable two days before following sessions, last session will then be paid by deposit of first week.
  • A discount option available, R850 if you book and pay for the 10 sessions upfront.

Die Lewe se sopstorie…

posted in: Uncategorized | 0

Tok-tok-tok! …hoor ek waar ek in my kombuis sit en groente kap vir ‘n heerlike sop vir vanaand. Dis ysig koud buite en wat is nou lekkerder as ‘n dik groentesop as dit so koud is?

Ek staan op en stap na my rooi voordeur toe, daar is ‘n onstuimige gesprek aan die gang anderkant die deur. Met die oopmaak storm drie siele se woorde my ore te binne sodat my kop rondomtalie.

“Wag! wag ‘n bietjie! Een op ‘n slag asseblief? Wat op dees aarde gaan aan met julle?”
“Dis ons sóp! Dis aardige sop en ons is honger en vies en wil van joune kom eet asseblief?” koor die drie voort, asof ek nie om genade vir een op ‘n slag se storie, gevra het nie.

“Híér!  proe, dis smaakloos!” seg die een en druk sy pot sop in my hande.

“Myne ook, dis suur en oneetlik!” kerm die tweede een.

Die derde siel gooi syne in die tuin uit, oor sy skouer sê hy: “Myne is galbitter, dit help nie eers jy proe nie, slég seg ek vir jou, slég verby. Ek is woedend kwaad oor die sop en alles!!”

“Kom tog maar bietjie in, ek is juis besig om my sop se groente te kap, daar is al ‘n paar lekker sopbene op die stoof, besig om te kook.”

Ek stap voor hulle uit en nooi hulle om langs die tafel te kom sit.

Die eerste sopSiel vra: “Wat sit jy in jou sop? Dit ruik só lekker! Sal jy vir ons jou resep gee asseblief?”

“Ek gaan julle wys wat ek insit maar vertel julle vir my tussendeur ook wat in júlle soppe is, dalk kan ek raad gee. Die geheim is soms nie wat jy insit nie, maar wat jy weglaat.”

Die tweede sopSiel seg: “Ek het ook uie en sopbene gebraai soos jy hier het, dan het ek pampoen blokkies en wortels en aartappels ingesit. Ek het ook ‘n lekker ryp tamatie en sout en peper ingesit. Hoekom is myne so suur?”

Die derde sopSiel praat bo-oor die suur sopSiel voor ek kan antwoord: “Ek het al daardie goed ingesit en ook ‘n handvol ertjies uit my tuin. Hoekom is myne so bitter, dit behoort nog lekkerder te wees?” en hy gril dat die tafel bewe.

Die eerste sopSiel begin sy resep aframmel: “Ek moes self lensies kook, ek was so lus daarvoor maar dis oneetbaar, die lensies is hard en proe soos niks. Ek kan nie vir myself sop maak nie en ek is alleen en niemand wil my help nie.”

Ek luister na die drie en onthou hoe ek gesukkel het om my lewe se sop te kook tot dit lekker is. Aanvanklik het ek so baie foute gemaak en dikwels sop weggegooi of maar die slegte sop ingewurg om die honger te besweer.

Nóú weet ek dat jy met groot versigtigheid moet omgaan met jou siel se sop, wat jy ingooi en hoeveel liefde jy in jou dra, bepaal die soort sop wat jou siel kry.

“Julle moet onthou, mens proe alles wat jy insit, selfs dit wat jy per ongeluk laat inval of dink of praat. My sop word met liefde gemaak, ek maak seker dat daar nie ‘n druppel iets inval wat dit sleg kan affekteer nie.”

Die drie teem gelyk: “Soos waaat?”

“Vertel vir my wat het in julle kombuise aangegaan die dag wat julle, julle soppe gekook het?”
Die eerste sopSiel val weg en sê: “Niks, daar het niks aangegaan nie en ek het nie lus gehad om dit alleen vir myself te doen nie en toe word ek honger en ek gooi net die lensies in die water en toe proe dit soos niks. Sal jy vir my van jou sop inskep asseblief??”

Ek voel hoe vies ek my stilweg maar haal asem: “Nee sopSiel, ek kan nie vir jou sop kook nie, dis jou eie werk. Jou siel het gesonde Lewens-sop nodig, jy moet moeite doen om jou resep bymekaar te kook. Mens kan nie op ‘n ander se sop potte staatmaak nie.

“Die ding is so, goeie sop vat tyd, sout en ‘n bietjie geurmiddels. Jy moet lekker vars groente insit en dalk ‘n stukkie vleisie of ‘n aftreksel met smaak. Dan kook jy dit tydsaam en jy proe gereeld of dit al lekker is. Jy gooi niks daarin wat nie heerlik of voedsaam is nie. Jou lensies is kliphard en daar is geen sout of geurmiddels in nie. Ek dink jy moet jou luiheid loop inspit dat dit kompos word.”

Die tweede sopSiel vra of hy sy resep kan vertel want hy is seker dis nie sy eie skuld dat sy sop suur is nie: “Ek het alles reg gedoen, ek het mos vertel van groente en sopbene en alles. Maar daar het ietsie gebeur wat dalk ‘n probleempie kan wees. Ek het baie ongelukkig gevoel, asynsuur om die waarheid te sê. Die lewe is so onregverdig. Almal het alles en het dit makliker as ek. Dalk het ek my eie sop suur gedink en gewroeg?”

Ek kyk op en sien hoe die siel self besef: “Ai sopSiel, ek is jammer om dit te hoor. Ja dit is ongelukkig so dat alles wat mens ingooi, jou lewe se sop affekteer. As jy liefdevol voel dan is jou sop heerlik, as jy kwaad is, dan sal jou sop brand.”

Die derde sopSiel sit kop onderstebo en prewel onder sy baard: “Dan weet ek ook hoekom my sop so bitter is.”

“Vertel vir ons van jou bitter sop?” vra ek die arme onderstebo kop.

“Dis oor ek so bitter is oor die dinge wat ek nie kan vergewe nie. Al my soppe proe altyd bietjie bitter, party het ook al soos rooi rissies gebrand. Ek het nie geweet dit affekteer jou sop nie. My sop kom meesal so sleg uit dat ek nie kan waag om enigiemand te nooi om by my te kom eet nie. Dis kwaad sop.”

Ek kry die spul so jammer dat ek besluit om vandag my siel se sop met hulle te deel: “Nou-ja toe julle drie, sal dit help as julle vandag by my eet? My sop is nounet reg, wag, ek sny vars brood by, dan hou ons ‘n sop fesie!”

Die drie juig kliphard: “Ag dankie, dankie vir jou uitnodiging. Ons kannie meer uithou met die heerlike reuk in die lug nie.”

Ons sit aan en deel ‘n pot sop met dankiebly vrolikheid. Die drie belowe om hulle sop van nou af met groot versigtigheid te kook en vir my ‘n bakkie vol te bring as hulle bietjie geoefen het.

Sharing; Words from Life to me…

posted in: Uncategorized | 0

Adjust your Life story regularly, especially if circumstances change and your story doesn’t support the reality any longer.

Prepare for new growth by clearing space in your head and heart, get rid of old stories.

Hold the space sacred, treat your Life like a wet painting, you are Be-coming.

Be gentle!

Wait patiently for Creativity to bring all the pieces coherently together.

It takes as long as it takes, the future always arrives, dressed in Now.

Enjoy the process!

Leave a Reply

Your email address will not be published. Required fields are marked *